في الدرس الخامس يعطي طارق الجندي تمرينين جديدين لتطوير العزف بالريشة في اليد اليمنى ، الهدف من التمارين بشكل عام هو أن يعتاد العازف على الحركة الصحيحة للريشة من خلال تكرار هذه التمارين التي يجب على العازف المواظبة عليها بشكل يومي و البدء بسرعة بطيئة و زيادة سرعة العزف تدريجياً للوصول إلى سرعة عالية

طارق الجندي:

"تمرين رقم احدعش هو تمرين مستوحى من الايقاع العراقي اللي هو الجورجينا اللي هو عشرة على ستطعش ورح اعلمكم طريقة زي مهم بعلموها كل العراقيين كيف انه ينعزف هذا الايقاع على الالات الايقاعية رح نتعلمه على العود هلا هو عبارة عن (يقرأ الاستاذ طارق التمرين قارءة ايقاعية) او مرات بعملوه (يقرأ الاستاذ طارق التمرين قارءة ايقاعية) بياخدوا اخر وحدة ريست.

هلا هذا الايقاع بحكولوا هو عشان يدرسوا تنفتق تنشق تنفتق تنشق فاحنا هون رح نحاول ندرسه (يقرأ الاستاذ طارق التمرين قارءة ايقاعية) نيجي نتطلع على الريش تنفتق داون اب داون تنشق واخر ضلع انا حاطه مشان يكمل الريشة تنفتق تنشق تنفتق تنشق فبتضلكم تنفتق تنشق كل واحد يمشيله هيك ربع ساعة بالبيت تنفتق تنشق تنفتق تنشق وبنصحكم اذا بدكم تزبطوا هذا التمرين انكم تسمعوا شوي من الاغاني العراقيية القديمة مثل عمي يا بياع الورد وهاي الاغاني اللي كلها على ايقاع الجورجينا عشان تقدروا تحسوا فيه اكتر فنيجي نطلع على وتر الصول (يعزف الاستاذ طارق التمرين) بهالشكل فنيجي نعمل التمرين المكتوب على سلم الدو ميجور هلأ لو عملته انا بشكل سريع الجورجينا لازم يصير هيك (يعزف الاستاذ طارق التمرين).

رح اسجلكم اياه بسرعة بطيئة وان تو (يعزف الاستاذ طارق التمرين) تقدروا تحكوا معاه تنفتق تنشق وبدي احكيلكم شغلة انا مرات عم بستخدم الحكي اني انا احكي وهذا بناءً على قواعد علمية الحكاها دال كروز دال كروز هو مربي موسيقي وكان يحكي اذا الموسيقي بده يعزف اي نوع موسيقى وتكون صحيحة وخاصةً الايقاعات لازم يحس فيها لازم يمثلها لازم يرقص معها او يحكيها بهذا الشكل تمرين رقم اطنعش هو مستوحى من ايقاع سبعة على تمنية واللي مقسم تلاتة باربعة لانه احنا بنعرف بعد الميزان رقم اربعة لما يكون البسط اربعة بده يصير هو ميزان بنسميه كومباوند اللي هو المعقد.

هلأ الكومباوند او مركب بكون يا اما تلاتة زائد اربعة او اربعة زائد تلاتة السبعة الخمسة بتكون تنين زائد تلاتة او تلاتة زائد تنين وهذا بحدد النبر تبعنا فعندنا هلا هون المهو موجود السبعة على تمنية هلا هذا موجود وان تو ثري فبدها تكون اي اشي ثلاثي لازم ينعزف داون اب داون هاي قاعدة فهو وان تو ثري واللي موجودة بعديها اللي هي بتاخد زمن تنين فيه وان تو وان تو فيه داون اب داون وان تو وان تو (يعزف الاستاذ طارق التمرين) كمان مرة بطيئ وان تو ثري وان تو وا تو وان تو ثري وان تو وان تو بهالشكل على وتر الصول نيجي نعمله على دو ميجور وان وان تو ثري وان تو وان تو (يعزف الاستاذ طارق التمرين) قبل ما ارجع من مازورة رقم سبعطعش حاولوا تحكوا معي وان تو ثري دوم دوم او وان تو ثري وان تو وان تو واسهل انه نعملها وان تو ثري دوم دوم (يعزف الاستاذ طارق التمرين).

تمرين رقم تلتطعش هو عكس تمرين رقم طنعش وهو موجود على ايقاع سبعة على تمنية بس الفرق هون انه هو موجود باربعة زائد تلاتة مش تلاتة زائد اربعة فهون صفى الموضوع عندي دوم دوم وان تو ثري عكس الايقاع الكان موجود عندي وان تو ثري دوم دوم فهون صار عندي دوم دوم وان تو ثري ونفس الشي الدوم دوم رح تكون داون داون والوان تو ثري داون اب داون فهي كانها وان تو وان تو وان تو ثري بهالشكل نحاول نعملها بشكل سريع افرجيكم كيف ممكن تصير (يعزف الاستاذ طارق التمرين) بطيئة (يعزف الاستاذ طارق التمرين) التمرين اللي على مقام العجم مكتوب وان تو ثري فور وان تو ثري (يعزف الاستاذ طارق التمرين).

وهيك بنكون خلصنا تمارين التحماية لايدنا اليمين اللي هي الريشة."